Sege Bayar

KARENE cukup banyak ye ndak dibeli batan syukuran masuk puase di masjid. Meski malas, Pak Beluk akhirnye ngawani bininye ke pekan. Karne terpisah nga bininye. Die kini cecingal nyakaghi badah bininye itu. Saat dang bejalan, die ditawari nga pedagang kurma.

"Beli kurme mang, Rp 20 ribu/kilo. Lah ndak penghabisan," kate si pedagang menawari. 

Pak Beluk berfikir itu harge ye sangat murah. Tapi sayang die dide batak duit, "aku dang dide batak duit bung," ujar Pak Beluk.

Karne penjual itu tahu Pak Beluk merupakan salah satu perangkat desa (Perades). Make die berniat ngajung Pak Beluk ngutang kudai "Dide masalah amu ngutang kudai. Kele amu Perades lah gajian bayarnye".

Pak Beluk nampak masih ragu. Ibung penjual buah itu lantas ngajung Pak Beluk ngecap kurma ye dijual.

"Maaf bung aku dang puase," jawab Pak Beluk.

"Cak jeme mulai puase besok," tanye pedagang.

"Aku tahun kemaghi batal puase sikok. Hari ini mpai aku bayarnye," jelas Pak Beluk.

"Yak. Mandaklah kamu ngutang Pak Sekdes," kate penjual kurme.

"Adak ngape Luk itu. Tadi nawari benagh," tanye Pak Beluk.

"Bang sege bayar utang kamu ni. Buktinya awak gi utang puase dikit. Anye nak nunggu setahun mpai bayar," kate penjual.

Mendengar perkataan si penjual buah. Pak Beluk cuma senyum-senyum saje.