Marga Tekuat Dunie

LIBUR kamaghi Pak Beluk pegi ke kota besak. Kenan ni pegi ke kota karene ade ye ndak di beli.

Singkat cerite, pas lah di dalam bus, Pak Beluk duduk kursi paling belakang.

Kebetulan di kursi belakang ni lah ade jeme due orang ye beasal njak di Ambon dan Batak.

Pas bus tu lah bejalan, die betige ni langsung saling perkenalkan diri.

Sambil bersalaman ngan Pak Beluk, lanang njak di Ambon ngicik langsung "Bakarbessy pak,".

Udim tu, giliran lanang njak Batak tu sambil jabat tangan Pak Beluk langsung ngicik "Batubara".

Pak Belik kebingungan ndengar jeme bedue itu ngicik barang panas sambil kenalan.

Karene enggup kalah segak. Pak Beluk langsung dengan tegas ngicik "Aik Angat"

Ndengar Pak Beluk ngicik luk itu, lanang njak Batak ngan njak Ambon langsung bingung.

"Waduh, marga apa Aik Panas tu pak," tanye lanang njak Batak.

"Ita, saya baru kali ini dengar marga seperti itu," timbal lanang njak Ambon.

"Uii, kamu ndik keruan saje pal. Itulah amun kamu ndak keruan marga ye paling kuat di dunie," kate Pak Beluk.

"Emang kenapa pak," kate lanang njak Batak tambah bingung.

"Njak namenye saje lah Aik Angat. Bearti besak angat nian titu," kate Pak Beluk pede nian.