Pagar Ajaib

WAKTU libur kemaghi Pak Beluk kedatangan kawan lamenye njak di Kota Besak. Karne, dighumah sedang dide ade gulai, Pak Beluk ngajaki kancenye tu makan di luar saje.

Anye karne kondisi pakit Pak Beluk sedang tipis, jadi kenan ngajak kancenye makan ke rumah makan Padang ye dekat rumahnye saje.

Singkat cerite, pas lah sampai di rumah makan tu, Pak Beluk langsung milih gulai batan ndak di makan ngan kancenye.

Udim tu, pas waktu sedang makan, kance Pak Beluk tekejut bukan main. Sebab gulai ye di ambikah Pak Beluk lemak gale.

"Waduh, ini sayur apa yang kamu pesan ini tadi. Kok enak sekali," uji kance Pak Beluk sambil maju nyuap nasi.

"Itu sayur namanya sayur bambu," timbal Pak Beluk.

Udim tu, pas malamnye Pak Beluk ngulang agi ngajaki kancenye makan di warung Padang tu. Karne lemak betanye agi kance Pak Beluk ni.

"Kali ini sayur apa lagi yang kamu pesan ini. Kok semakin enak," tanye kance Pak Beluk ye tambah penasaran.

"Nah, amun ye kali ini namenye sayur paku," jawab Pak Beluk.

Singkat cerite agi, pas lah balik njak makan tu, kance Pak Beluk langsung nggiling-gilingka palak dengan ape ye ditemukan die tu.

"Lengkap sudah makanan kita. Kemarin makan sayur bambu, hari ini maka sayur paku. Pasti saat buang air besok akan keluar pagar langsung," uji kance Pak Beluk.

"Hahaha... Galak nian aseku. Anye amun luk itu pagar ajaib namenye tu" kate Pak Beluk sambil ngakak tetawe. (roh)