Otw
Pak Beluk--
MAK Beluk dang gelisah. Ini Karne Pak Beluk belum balik-balik njak ibu kota kabupaten. Padahal hari ni lah sengkiapMagrib.
"Di mane dengah, Bapang Yung? Ngape lah ndak Magrib ni lum balik-balik," tulis Mak Beluk di aplikasi WhatsApp.
"Ini lah OTW," jawab Pak Beluk.
"Oke. Hati-hati," Mak Beluk kembali balas pesan lakinye.
Satu menit berlalu. Satu jam juge berlalu. Aghi lah ndak masuk jam salat Isya. Anye Pak Beluk belum juge sampai ghumah. Mak Beluk lalu menelpon lakinye.
"Yak kemane kaba ni, Bapang Yung. Uji tadi lah OTW. Anye dide sesampai?!" tanye Mak Beluk dengan emosi.
"Au betul OTW. Ojo Takon Wae (Jangan Tanya Terus, red). Aku mbaini dang bene. Motor ni macet makenye aku dide sesampai. Kini dang beiluk di Bengkel," jawab Pak Beluk.
"Yak ngicik die jeme tu. Berupuk awak lah besak. Amu ngicik pacak dijemput. Di mane dengah kini. Biar aku jemput. Motor tinggalkah saje di bengkel," kate Mak Beluk emosi.
"Au nian pule awah.. Dide pule terpikir arah situ aku," kate Pak Beluk dalam hati. (yie)
- Tag
- Share
-
-
