Ke Jakarta

Ceritenye Ndung Yung ngah Pak Beluk sedang jalan-jalan keluar kota alias Jakarta. Ndung Yung ni tadi tekanjat sate nginak gemerlap-gemerlip lampu banyak.

"Ase mimpi aku ni Bapang Yung, dik nyangke pacak ke sini. Ame di dusun dik bedie lampu gemerlipan luk ini ni, ase-asenye ngape betah aku di badah jeme ni," Ndung Yung lah telalu injik.

"Ayy dengah ni Ndung Yung, lum ke mall kele dengah ni," kate Pak Beluk.

Pak Beluk ni berkat bujang pai ni lah lah ade jalan-jalan nginak kota jeme alias merantau. Jadi dik tekanjat agi ngah ye namenye kota.

“Mangke tu,” sambung Ndung Yung agi. Pak Beluk ngicik mall ni tadi.

"Mall... luk mane bentuk ye titu,  makanan die tu, ape jeme?" kate Ndung Yung kebingungan.

Singkat cerite ajaknye lah gawih Yung Pantit ngah Pak Beluk, Ndung ni tadi ke mall.

Sampai di mall lah kebingungan agi Ndung Yung, nginak tangge begerak sughang alias eskalator.

"Ndak dilalui tini Yung, luk mane carenye Yung, dik bedie badah lain? Ayy... memain dengah ni Yung bejalan-bejalan luk ini," Ndung Yung tambah dik berani.

Mangke tu sate udim diajari Yung Pantit, cacak berani kah diri melangkah. Lah sepincang tibe-tibe eskalator ni tadi begerak ke atas, jadinye Ndung Yung tekanjat, hampir pule umban. 

"Tulah kabah Ndung Yung ay. Lum naik tangge lift dengah, aseku pingsan dengah kele, hahaha," h ragam Pak Beluk.