Ndik Galak Bayar

Pak beluk ni lah lame kemati nunggu Merin anye dik nyeyampai, sambil ngecak ayam bangkuk kah ndik diadukah. Lawannye ayam Merin tulah. Lah kepuasan nunggu telpon nyelah Merin ni tadi takut dik lasung rencane lah jak jauh hari.

Ayam Pak Beluk ni ceritenye besak tinggi itam tajinye cete, mantap ame ndik diadukah yakin menang kate Pak Beluk. Lum lame Merin nyampai bawe ayam pule.

"Lah lame aku nunggu dengah Rin ndik nyeyampai, ayam ku ni lah gatal kemati lah ndak lage bekukuk saje jak di tadi," Pak Beluk sombong.

"Malah Rin ngape agi lame benae ucul kalah, tuape taruhan kite kemahi sape kalah ngenjuk duit kan," Pak Beluk

Malah ame luk itu Pak Beluk, luk kah menang raye ayam kamu tu kele kalah kamu bayar duit gah aku, kate Merin. Singkat cerite uculkanyelah ayam due ikuk ni tadi wal hasil ye menang untuk Merin.

"Ayy Pak Beluk tulah jangan sombong, mane duit bayar di tempat kabah tulah ye nawarkah kemaghi kabah tulah ye kalah," Merin ngicik ngah Pak Beluk.

"Kuday Rin santay kuday, namenye main ade kalah ade menang, nah kabah bak ini menang jadi ku akui hebat ayam kabah tu Rin, ase ku serame ngah kabah ayam tu makan hhh sangka hebat benae," mulai ngerayu Merin dik galak bayar perjanjian Pak Beluk.

"Pembuhung ige anye kabah ni Pak Beluk, pembuhung besak awak ngajak dik galak bayar," Merin kesal. (cw2)