Diakali Gale

Reporter: Ujang Tamarozi |

Editor: Dedi Julizar |

Minggu , 05 Jan 2025 - 19:46

Pak Beluk--

diakali gale                             pak beluk dengan merin kini bisnis jualan durian.
dua bekawani, bisnis durian modal rp 1 juta sughang.
“merin pagi kite agak cepat ke kebun durian kance kabah itu,” kata pak beluk.
“aman, kabah itu cepat juge bangun, subuh kit elah di kebun kance aku itu maka endik keduluan jeme agi,” jawab merin.
singkat cerite, dapatlah durian dengan modal rp 1,5 juta.
langung due bekawani jualan.
“durian-durian, tidak manis jangan dibayar.  garansi-garansi,” kate pak beluk nawarkan jualan.
lum lame ngicik, jem elah banyak datang kah beli durian pak beluk.
“nian mang, endik manis kami bukak batal atau digantikan mang,” kate jeme kah beli.
“au, dijamin kite ganti kalau endik manis,” jawab pak beluk.
“nah aku kah yang ini, cube bukakan dikit,” kate jeme beli.
pas di bukak pak beluk, dicicip jeme kah beli nide manis nian. 
“yak mang kurang manis, ngape luk ini,” kate jeme beli.
“nah karena tejemur durian ini tadi, aman lah dingin kele manis itu,” jawab pak beluk.
lah tige buah dibuka, pembeli masih komplin ngicik endik manis nian.
“sebenarnye makan durian itu lemak yang luk ini nide manis nian, karene aman manis cepat bosan,” kate pak beluk ngakali pembeli.
“aunian pule, aman luk itu jadi aku ambik tige ini,” kate pembeli.
“nah nak diakali gale, segale jeme ni,” dalam ati pak beluk sampil ngebat durian endik manis.

Tag

Share

Koran Terkait

Kembali ke koran edisi Radar Kaur, Senin 6 Januari 2025

Berita Terkini

Berita Terpopuler

Berita Pilihan