Salah Gale

salah gale pak beluk malam kemaghi ribut besak ngan bininye ndung yung. due laki bini ni ribut cuman gegara ngobrol dide akur saje. anye, karne same-same dide ndak ngalah, jadi die bedue tu laju ribut mulut. saking nemannye, lah ampur tegugh dusun gawih die bedue ribut ni. anye, pak beluk ngan ndung yung tetap saling salahkah, dan dide ade ye ndak ngalah. "pukuknye kamu ye salah," kate ndung yung. "jangan asak galak, kamu tula ye salah," timbal pak beluk. "edelah, awak lanang maju ndak nyalahkah bini," sintung ndung yung. "amun sedang luk ini dide ade lanang tine, amun salah masih kah salah tula," pak beluk. "jangan ndik merase bapang yung. amun dide nian percaye base kamu tu salah, tanyekelah dengan yung tu," timbal ndung yung maju ngotot. karne lah puas berebut mulut, due laki bini ni betanye ngan yung pantit anaknye. "cube yung, sape menurut kaba ye salah, bapang ape ndung kaba ni," tanye pak beluk. "ai lah pasti masih kah kamu tula ye salah," ndung yung nimbal. "udimlah, bapang dengan ndung tu salah gale. awak lah tue, tiap aghi belage tula kerje. bemaluan pule bai. aku nila ye benagh amun kamu ndak keruan," timbal yung lah rengam. ndengar kicikqn anaknye, tinggal tediam due laki bini tu. "ntuk adak nian kate anak bujang, melah kite balik ke belakang, kite makan kudai ndung yung," kate pak beluk mbujuk bininye. "itulah jiku, salah nian aku tadi, mintak maaf awu bapang yung," kate ndung yung sambil nyengi-nyengir kecik. *

Tag

Share

• 
• 
• 
• 
•