Pizza

Mak Beluk masuk rumah sakit, gara-gara ribut dengan menantu. Dide nyangke menantu Mak Beluk sampai berani melawan kate. Shock kate-kate menantu gule darah Mak Beluk naik, dilarikan ke rumah sakit. 

Yung Pantit diminta untuk jage Mak Beluk selame di rumah sakit. Karena dari sekian banyak keluarga cuma Yung Pantit yang dide bekerje.

"Kami minta tolong dengan kaba, tolong jagei kudai endung kamu ini selama di rumah sakit," kate Pak Beluk.

"Awu," jawab Yung Pantit.

Hari pertame masih aman, Mak Beluk dide bayak kendak. Masuk hari kedue, tepat di malam jam 11.45, Mak Beluk ini mbangunkan Yung Pantit. Minta belikan Pizza dengan Burger.

"Yung, Yung, Yung, minjaklah kudai," kate Mak Beluk.

"Hmmz, ape ndung?" jawab Yung Pantit.

"Tolong belikah kudai endung ini, Pizza dengan Burger, endung malam ini meretuknye masuk-masuk dalam mimpi. Kalu pule endung sihat udim makan itu kele," kate Mak Beluk.

"Iyaak, di mana aku cakarghnye, dide bedie base makanan kota tu di sini. Lah malam pule base aghi ini," jawab Yung Pantit.

"Aku meretuknye nian itu, cakarkan kudai Yung," jawab Mak Beluk.

"Dide bedie ndung, tiduklah agi, makan saje Pizza dengan Burger dalam mimpi tulah," singkat Yung sambil beselebu ngah sarung.

"Ai, cakarkan kudai Yung, aku meretuknye nihan," balas Mak Beluk.

"Dide bedie andung, cube kamu tidur agi, bayangkan terus Pizza dengan Burger. Udim itu kalu masuk mimpi agi makani Pizza dengan Burger itu," jawab Yung Pantit sambil narik nafas.

“Iiih...Untunglah ngigau mak ni tadi,” kate Yung dalam ati.