Ade Giliran

ade giliran pak beluk dengan merin ngikut rapat. due sekawan jadi tim sukses salah satu calon bupati yang kah maju pilkada 2024. pak beluk denga merin tiduk di hotel yang cukup mewah. pas ncuguk tiduk pak beluk lah nak ngupi. "dimane badah beli kupi," kate pak beluk. "yak kele antati jeme, ade kupi kite," jawab merin. udim mandi akap, merin lah duduk di lobi hotel, lum lame datang pelayan hotel ngantatkah kupi. "nah kan ade kupi, kabah lah nak beli nian tadi," kate merin. "langsung ambik merin gule, masukan ke kupi di aduk langsung minun, " merin. nide endak kalah bapang yung langsung ngihup kupi pule. "enduk alangke pait kupi jeme kota ni," dalam ati pak beluk. "luk ape mantapkan kupi jeme kotani," tanye merin. "mantap tapi ngape nide ade hase gule,' kate pak beluk. nganing pengakuan pak beluk, merin lah tetawe. "yak masukan pule gulenye, itu yang di saset. gule titu, betanye kalau dide keruan," sampai merin sambil tetawe.  “awaslah kabah merin, ade giliran aku kulahkah. tunggu saje kabah,” memimut pak beluk dalam hati, walau di depan daghi merin kenan lelinyum. 

Tag

Share

• 
• 
• 
• 
•