Masih Gaul

Reporter: Rega Jusa |

Editor: Dedi Julizar |

Sabtu , 07 Sep 2024 - 18:55

Pak Beluk--

masih gaul                            ade kantin pak beluk tiap tahun sibuk mbuat keputusah bakalan bebini. karena ble merase lah nyagu jadi bujang tue di dusunnye, lah berape kali habis rimbak. ditambah, jerang agi musim panen padi. otomatis butuh ye namenye bibai batan nanak gulai. tapi sayangnya kantin pak beluk ini belum ade santingan. mangke betanyelah dengan merin, karena merin ini jemenye pejalan.
"aku ini lah nyagu jadi bujang tue ce, kekire ade dide penunjukan kabah gadis ye belagak, kalau lebih mantap agi agak beduit," tanye kantin pak beluk.
"dide ade ce, kalau jande ade die. ye model luk mane kaba, umur 20 ape umur 30 atau umur 40," tanye merin.
"yak ce, aku ini masih bujangan. jangan madakah nian kabah, anye kalu ye mude ditambah banyak sumber penghasilan cukahkan kudai dikenalkan ce," jawab kantin pak beluk.
"yak kabah, sadar kudai ce. kabah ini rimbakan kami, banyak pule pemintakan. syukur saje kalau jande bunge galak, masih banyak pule syaratnye," tegas merin.
"kabah jangan mbak itu nian, walau aku rimbakan kabah tapi memang masih bujangan ce," sebut kantin pak beluk agak ringam.
"ndak jeme daerah perbukitan ape jeme bawah," tanye merin agi.
kantin pak beluk lah merase dide lemak agi, karena seolah-olah dimain-mainkankah merin ini.
"kudai kamu ini, ade nian dide lukaknye. banyak tanye kele dide bedie lukaknye. telanjur mulut  aku lah berbusa-busa kele," tegas kenan agak kasar.
"tenanglah saje, banyak chanel aku ini," gaya merin.
"pokoknye jeme mane tulah, asal gigi masih lengkapnye masih lengkap," tegas sohib pak beluk.
disini merin teringat ade foto, rande yang dulu pernah masuk rumah sakit jiwa. kebetulan giginye masih lengkap dan masih mude. 
"tenang saje, kaba ndak nginak fotonye dide. pas nian dengan kaba ini kawan," kate merin sambil mbukak hpnya.
"ini na jemenye, cocok dengan kaba," sambung merin 
"yang ini," tanye kantin pak beluk 
"au yang ini, luk mane mantap dide," balas merin.
"aiii sapekah galak dengan jeme odgj, dide sihat agi kaba ini. biarlah aku cakar sughangan ame luk ini," kicik kantin raban tu ngangat.
“cacam, kenal kenan ini. walau lah tue masih gaul juge kirenye,” kicik merin dalam ati. *

Tag

Share

Koran Terkait

Kembali ke koran edisi Radar Kaur, Minggu 8 September 2024

Berita Terkini

Berita Terpopuler

Berita Pilihan