SIANG saat sedang istirahat jam pelajaran, Yung Pantit nga Tole duduk di bawa batang jambu depan kelas. Di sane, jeme due sekawan ni ngobrol ngalur ngidul.
"Le, malah kite main tebak-tebakan. Kursi ape ye pacak mbuat jeme lupe ingatan," kate Yung Pantit.
"Aseku jawabannye itu kursi goyang. Sebab, jeme duduk di kursi goyang biasenye akan ngantuk lalu tetidur. Kan die jadi lupe," jawab Tole.
"Meski jawaban kaba masuk akal. Anye masih tetap salah," kate Yung Pantit.
"Mangke jawaban ye benar ape," tanye Tole.
"Jawaban ye benar itu kursi yang diduduki wakil rakyat," kate Yung Pantit.
"Nah. Ngape angkan luk itu," tanye Tole.
"Sebab. Sebagian kecil ye duduk di situ ingat dengan kekantin. Biasenye kalau lah duduk di badah itu lupe gegelanye. Temasuk janji ye disampaikan waktu bejeghum dulu. Jadi itulah kursi lupe yang mbak ini rami direbutkah jeme sistem priode," jelas Yung Pantit.
"Nyelah nian pule, jadi itu temasuk kursi musiman," ujar Tole.