DALAM memeriahkan HUT RI, Pak Beluk dengan Merin dan kekancenye ikut lomba tarik tambang antare desa. Setiap tim anggota 8 jeme.
“Merin kabah kele bagian depan, aku bagian belakang,” kate Pak Beluk lah ngatur strategi.
“Kabah saje depan Bapang Yung aku belakang,” kate Merin.
“Nide, kabah tulah depan, make aku kele betahan total,” kate Pak Beluk.
“Jadi aman luk itu strategi kite,” jawab Merin.
“Nah awas kabah, nidekah kutarik nian kele,” dalam ati Merin.
Singkat cerite, lombalah dusun Pak Beluk.
Pas lomba pertame menang tim Pak Beluk.
Lomba kedua tenaga rombongan Pak Beluk lah abis. Tambah telapak tangan lah luke gale.
“Pak Kades, beghape hadiah lomba ini,” Pak Beluk nanye Kades.
“Lum keruan, kite ini memeriahkan HUT RI yang penting,” jawab Pak Kades.
“Yak litak ini, endik balik modal, telapak tangan lah luke gale, nide pacak upahan seminggu aman luk ini,” dalam ati Pak Beluk.
Pas lomba kalah tim Pak Beluk.
“Cube jak tadi kite kalah, nidekah tambah luke telapak tangan, lomba mbuat rugi besak ini,” dalam ati Merin.