BALIK njak sekul aghian tu Yung Pantit langsung bercerite dengan bapangnye Pak Beluk.
Kenan ni ceritenye marah ngan gurunye. Sebab, waktu di sekul jawaban die disalahkan guru.
Menurut Yung jawaban die lah benagh gale.
"Bak jawaban aku pas pelajaran perkalian di sekul tadi di salahkan gale ngan guru. Awak peghasean aku benagh gale," kate Yung bercerite ngan bapangnye.
"Nah, ngape pule sangkan pacak luk itu Yung," tanye Pak Beluk penasaran.
"Entah bak, amun ndak kawan aku tadi benagh gale. Giliran ndak aku salah gale," kate Yung agi.
"Nah, tape pule soal ye dienjuk guru tadi nak" tanye Pak Beluk serius.
"Anu bak, kate guru sebutkan perkalian ape saje ye kamu tahu," uji Yung.
"Cube kaba ceritekan kudai jawaban kance kaba tadi," Pak Beluk penasaran.
"Amun Bedul tadi njawab luk ini bak. 1x1= 1, 2x1= 2, 3x1= 3," Yung njelaskah.
"Nah jawaban kaba tape Yung," Pak Beluk betanye.
"Jawaban aku tadi, kali bata, kali mutu, kali mantan. Benagh aku tu kali-kali gale," timbal Yung pede nian.
"Yak entah nian pule amun luk itu Yung. Sege nian kaba. Iluk balik ke TK agi kudai kaba amun luk itu," kate Pak Beluk rengam ngan anaknye.
"Nah, tape pule salah nye jawaban aku tu bak. Kan lah benar gale," Yung penasaran.
"Entah, tanyelah ngan Ndung kaba. Bene aku, mungkin kabah dulu salah waktu lahir Yung" kate Pak Beluk.