Ceritanye, Pak Beluk, Merin dan Ujang Kricup mandi laut. Kebetulan di damping laut itu ade air terjun besak. Disitu banyak rombongan lanang sedang mandi.
"Aii alap pule terjun di ujung tu ce," kate Merin
"Mane? Uii awu nian, kesitu kite," tanye Ujang Kricup
"Kate niningku dulu jangan asal mandi air terjun, karena banyak penunggunya," timbal Pak Beluk
"Au nian ce, udimlah pule kite belum keruan di situ luk mane," balas Merin.
"Yak, masih percaye kamu ini dengan mitos-mitos zaman dulu. Kite disitu cuma numpang mandi kanye nantang penunggu disitu. Akukah kesitu serah kamu ndak mikut ape dide," tegas Ujang Kricup
Singkat cerita, akhirnya Pak Beluk dengan Merin ini mikut juge dengan Ujang Kricup. Karena penasaran dengan memang endai jauh memang halap.
"Naa katekukan ade nian penunggu di terjun itu ce," kate Pak Beluk.
"Yak uyun-uyun ce, jangan nenakuti iluk itu," balas Merin.
"Au nian adak, tapi mase penunggu terjun mandi air terjun. Pecak au itu manusia mandi tu, kanye jin," balas Ujang Kricup.
Ngerase penasaran, Pak Beluk, Merin dan Ujang Kricup. Bejalan pelan-pelan takutnye yang tian kinak itu memang betul penunggu terjun. Singkat cerita sampailah rombongan ini dipucuk badas, ndai badas ini kinaan jelas.
"Yak kanye penunggu terjun itu, putra kayangan kidahnye," kate Pak Beluk.