Setelah mengucapkan terime kasih nga jeme ye ngantat Pak Beluk. Merin lalu betanye, "Kemane kaba tadi, Bapang Yung. Nambahi ruruhan saje".
"Tadi waktu aku misah jak rombongan kite. Aku ade feeling kalu si anu tu ade di sekitar hutan di situ. Tapi ternyate dide bedie," jelas Pak Beluk.
"Nah. Pas aku ndak nutul rombongan kite. Aku tu betenye arah kamu, nga nining-nining di dusun itu. Ehh rupenye arah ke hutan rimbe ye di tunjuk nining-nining tu, tambah sesat aku. Untung bertemu nga jeme tadi ye dang mikat burung," tambahnye.
"Nining-nining umur berape tahun bada kaba betanye tu," tanye Ujang Kericup.
"Umurnye mungkin sekitar 85-an," jawab Pak Beluk.
"Haha. berarti belum calak nian kaba ni, Pak Beluk. Karne masih pacak digabusi nga nining-nining," kate Merin.
"Amu betanye tu jangan nga ye Lansia benagh, Pak Beluk. Kalu lah pikun nining-nining bada kaba betanye tu," kate Pak Kades menasehati.
"Guk nian pule awah.Nining kami dulu umur 65 tahun lah pikun tegalau. Ini lah umur 85-an. Aku nian ye salah berarti. Kalah calak aku tu ce berarti," kate Pak Beluk.