Belum lama ini, Pak Beluk ditelpon Merin ngajung datang ke ghumah ndak doa kebuyu anaknya. Singkat cerite, lah udim bedoa Pak Beluk diajungkah makan oleh Merin.
"Makan kudai, kele pule balik tu, kite ngobrol lah lame dide bercerite ini," kate Merin
"Jadi, aku makan kudai ame luk itu," jawab Pak Beluk.
Udim makan Pak Beluk langsung duduk diluar, rencane ndak ngudut. Mpai benur ndak begerak Merin nyaut.
"Ndak ke mane kaba?" tanye Merin
"Ngudut kudai, duduk di luar saje kite," balas Pak Beluk.
"Awu tunggulah kudai, aku mbereskah ini kudai," balas Merin
Singkat cerita, Pak Beluk duduk luar sambil ngudut. Tibe-tibe Merin manggil ndai samping.
"Ce, endak ngupi ape bandrex, kebetulan ade telur bebek," jawab Pak Beluk.
"Ai bandrex saje kalu luk itu, mumpung hari ini dingin," balas Pak Beluk.
"Awu tunggulah," balas Merin.
Merin de tahu base telur bebek yang disimpan dalam kulkas ini lah busuk. Waktu dibuka Merin telor tu hembaunye agak busuk tapi lum busuk nian.
Rupuk hati Merin kalu ade jeme tekentut, atau hembau bangkai tikus.
Singkat cerita datang Merin ini tadi ngenjukah bandrex Pak Beluk.
"Na ini bandex pesanan mu ce, telur bebek khusus untuk mu," kate Merin.