Akhir-akhir ini Ndung Yung sibuk karne jerang agi ndak 17 Agustus. Pasti main volly ball. Jadi tiap petang latihan saje Ndung Yung ni.
Karne ndik galak berangkat sughang, ngajak’i kancenye lah Ndung Yung ni tadi.
Pukuknye tiap petang latihan.
Ame nginakah tiap hari latihan ngape luk kah kalah tulah. Jadi Ndung Yung ni lah agak patah semangat.
Singkat cerite, lah betak tum main ni tadi. Ndung Yung semangat agi berkat bal tu ndik umban-umban.
"Nah cube jak di kemaghi luk ini main ni," kicik Ndung Yung.
"Kemaghi agi pendingin lumnye panas, kini lah panas jadi waktunye menyala," jawab kance Ndung Yung.
Jadi tu lah anjam nginakah bal selalu beputar.
"Yakin nian aku ame luk ini," Ndung Yung anjam telalu.
Pukuknye sambil main sambil pule ngicik Ndung Yung ni tadi.
"Sesekali kite belawan dengan lanang kuday lemak keras juge," kate Ndung Yung.
Pukuknye lah seru main tu tambah petang tambah seru. Tibe lah waktunye balik. Jelah balik gale rombongan ni.
Sate malam, tiduk temimpi-mimpi Ndung Yung ni tadi. Ngicik sughang ngan tetawe gik gik sughang.
“Ui Ndung Yung, itulah ndak bace doa sebelum tiduk. Maju pepuguan ni,” uji Pak Beluk yang tebangun gegara Ndung Yung ngigau ni.