Ceritenye Pak Beluk dengan Merin ni ndak ngerayau ke mall. Dikarenakan jeme bedue ni jeme dusun nginak tulisan oven di gedung besak tu tekanjat.
"Nduk baru kali ini aku nginak oven sebesak ini, luk ini pule bentuknye au," kate Pak Beluk.
"Au nian, lukmane nian rase di dalam oven tu au. Malah kite masuk, panas dide di dalamnye," ajak Merin.
"Aii dide ndak aku, kele kite jadi kue, hahaha,” jawab Pak Beluk sambil tetawe.
"Aii aku ndak nguji kudai, tapi sepi nian kinakku, ade dide jeme di dalam oven ni," kate Merin penasaran.
"Malah kite ke badah lain saje, dide ndak aku masuk oven ni," ajak Pak Beluk.
"Malah kite masuk," ajak Merin.
"Aii dide dide, masuklah kabah sughang, lemak kabah mutung tepanggang luk kue," kate Pak Beluk.
Dikarenakan Pak Beluk ni dide ndak masuk gedung ye ade tulisan oven ni, masuklah Merin ni sughang. Pak Beluk ni nunggu sughang di luar. Lum lame tu ngeluar lah Merin ni dari gedung.
"Mutung dide kabah masuk oven tadi?" tanye Pak Beluk.
"Tape pule mutung, kabah tu bange oven tu artinye buka, tini bukan oven untuk manggang kue tu. Tini mall namenye, dingin keliwatan di dalamnye tadi, rugi nian kabah dide masuk," terang Merin.
"Nduk serius kabah, malah kite masuk agi, ndak pule aku masuk," ajak Pak Beluk.
"Dide. Malah kite cari badah lain, aku lah udim ngerasekannye. Kabah belum ngerasekannye salah kabah sendiri," Merin litak tetawe.(fps)