MERIN nga Ujang Kericup dang nongkrong di warung bakso dan gorengan punye Ibung Minul, si jande kembang dusun tu. Dik lame, datanglah Pak Beluk ikut bergabung.
"Aii Hp baru kaba ni ess. Betanci kaba ni ehh," kate Ujang Kericup sate nginak HP Pak Beluk.
"Yak adak nian pule. Hp keluaran model terbaru kaba ni. Cengki pai laku tanah Puyang tu ehh..hehe," timpal Merin.
"Aii.. HP hadiah tini ce. Hadiah lomba lari kemaghi," jawab Pak Beluk sambil ngambik gorengan.
"Lomba lari di mane pule ce. Perasean aku jaman sulit beras dang mahal ni jarang ade acara luk itu. Amu ade galak pule aku ngikut. Emang siape-siape pule peserta nye" Ujang penasaran.
"Hadiah lomba lari ce. Pesertanye aku, empu Hp ngah polisi, juge warga sekitar,hehe," jawab Bapang Yung Pantit.
"Aii... Gile kaba ni ce, malukan name siwak saje. Lah jadi pelaku tindak kejahatan kaba ni. Kecak'i jang kite batak ke Polsek," Merin emosi.
"Haha.. uii dide Merin. Aku ngeredit HP ni. Amu laghi atau dide bayar kredit pacak nian lomba ngan tian tu. Ini nota tagihan e masih ade. Amu nak kredit pule melah ku antat," kate Marin.
"Aii kaba ni. Lah jadi sales pule kaba," Merin duduk agi.
Pak Beluk langsung jelaskan tata care nak kredit ngah due kancenye. Tak lupe, Ibung Minul ye punye warung juge ditawari. (yie)