SETELAH sekitar seminggu dapat perawatan intensif di RSUD Kaur. Keadaan Nining Kari perlahan mulai membaik. Malam ini, Pak Beluk ye ndik lain anak penakannye jenguk ke ghumah sakit.
"Lah dide tahan agi di ghumah sakit ni Bapang Yung. Nak Ndak benagh aku balik. Aseku lah keghing tanaman bekayuku dide disiram," keluh Nining Kari nga Pak Beluk.
"Luk ape keadaan mak tue kini. Amulah sehat juge. Didekah lame agi diajung dokter balik," kate Pak Beluk menenangkan.
"Ngomong-ngomong mak tue makan donat," lanjut Pak Beluk betanye.
"Lah sehat benagh aku ni. Asenye lah siap njawat di sawah. Anye sesekali masih nian galak sakit palak. Mungkin kalu dasar dokternye ni ribang nga aku. Idang merikse lembut benagh sikapnye nga aku. Persis luk mandiang bak tue kamu dikale pas masih nyanting. Mungkin Karne itulah aku lum diajungnye balik," ungkap Nining Kari
"Yak wajar lum diajung balik. Die cek sakit vertigo angkan dirawat," kate Pak Beluk dalam hati.
"Ohh luk itu mak dang. Pagi nengkala aku ye nanyekan kebile kamu pacak balik. Mangke galak dide mak tue ni donat," kate Pak Beluk.
"Kaba ni maju betanye aku ndak donat ape dide. Amu kekire lemak dan ade nian, enjukkah donat tu nga aku. Jangan hanye betanye saje, sini kiah donatnye," ujar Nining Kari.
"Oh au. Ini die donatnye mak tue," kate Pak Beluk sambil ngenjuk donat nga mak tue nye itu.
"Awak dang gering masih kina pedas mak tue ni. Kalu lah sehat nian die ni," Pak Beluk ngicik dalam hati. (yie)