Yung Pantit ni preman di sekolah alias jeme banyak takut ngah die. Anye kelebihan Yung ni tadi banyak. Pertame nakal di die, bulih dikicikah paling ngugal di kelas.
Anye puk ngugal Yung Pantit ni banyak dinaksiri betine. Umpan Yung Pantit ade nian baceannye mangke betine galak marak ngah Yung Pantit.
Ame kate Yung Pantit ajaran Pak Beluk tulah alias baknye.
"Ame ndak dekati cewek tu ade baceannye ndie, puk ngugal luk ini cewek mane dik galak parak ngah aku," kate Yung Pantit bangga kah diri.
Singkat cerite, sate balik lah buncing cewek nian Yung Pantit ni, lah luk jeme paling keren di dusun.
Lum lame Merin sampai ngeragami Yung Pantit.
"Uyyy Yung Pantit boleh-boleh kabah ni mantra Pak Beluk, rupenye lah mujarab nian titu... hahah lah Buncing cewek alap, nurai Bapang kabah nian ame luk ini," kate Merin. (cw2)