Lah seminggu ni Pak Beluk demam. Engguk benagh diajak ke rumah sakit. Cecak gerut kenan. Akhirnye masuk juge ke rumah sakit.
Pak Beluk ni litak nian, kenan pai balik jak Jawe. Supir tunggal, pulang pergi. Udim tu maju begadang ni.
“Merin aku demam,” bunyi WA Pak Beluk ke Merin.
“Nah, tape kedimak?” balas Merin.
“Palak sakik, badan sakit gale. Udim tu mate ni ndik pacak jegil,” jawab Pak Beluk.
“Cek darah kudai. Mbak ini musim demam berdarah,” pesan Merin.
“Ui...Kaba ni ndak nian, mase doakan aku kene demam berdarah,” Pak Beluk engguk benagh kene demam berdarah.
Lah 3 hari Pak Beluk ni demam. Men ke dokter lah udim. Anye kenan lum ndak cek darah. Lah tambah parah, empai Pak Beluk galak cek darah.
Hasilnye positif demam berdara.
“Ini harus dirawat. Trombosit sangat rendah. Bahaya kalau nggak dirawat pak,” kate dokter.
“Itulah cecak gerut benagh. Engguk dengar kate jeme. Dengari kate dokter tu, harus dirawat,” Mak Beluk bemumut.
“Malah namenye berangkat kite. Gegara doa Merin tini. Laju demam berdarah nian aku ni. Tunggulah kaba Merin,” Pak Beluk nyalahkah Merin.
“Ui Bapang Yung, ukane die gegara doa Merin kapuhan. Demam berdarah tu gegara nyamuk,” Mak Beluk, marahi lakinye.(dhy)