Belum lame ini Yung Pantit dapat hadiah cincin warna abang jak Merin, kawan Pak Beluk. Anye ukuran cincin tu besak, jadi de pacak Yung Pantit ndak pakainya.
Yung Pantit minder di sekol kawannye banyak pakai cincin bewarna warni, ado warna hitam, warna abang, cokelat, kuning, hijau dan banyak lagi warnenye alap-alap.
Yung Pantit pening, lukmane mangke pacak pakai cincin pas di jari telunjuk ini. Kekawanye lah pakai gale cuma Yung Pantit belum becincin.
Saking mikirkannye Yung Pantit datangi kance baknye, Merin.
"Tolong kudai paman Merin, aku ni de pacak pakai cincin jak paman. Cincintu besak dikit ukurannyo jadi de ade gunonyo," kate Yung Pantit.
"Ngapo pule lah ndak dipakai cincin mato abang tu. Maksud paman simpankan kudai, nantimu besak pakainye," timbal Merin masih ade logat Talo.
"Lukmane amen dikecikan cincin, pacak itu paman?" uji Yung Pantit.
"Jangan, rugi. Habis modelnya," larang Merin.
“Jadi iluak mane aku pakainye," Yung Pantit ngotot.
"Kalu masih ndak cepat pakainye. Kinai lubang kumbang kayu belakang rumahmu. Udimtu masukan tunjuk mu ke lubang kumbang. Mangke jadi besak tunjukmu, tapi agak geli dikit," Merin ngajari.
“Amen itu carenye ngicik jak tadi paman. Pacak langsung aku pakai cincintu,” timbal Yung Pantit sambil belaghi balik.
Langsung saje Yung Pantit balik, dalaki lubang kumbang belakang rumahnye. Pas ketemu, langsung saje Yung t masukan telunjuk. Dalam ati Yung Pantit, pesan paman agak lame.
Dalam ati Yung Pantit ngape agak sakit makin lameni. Bukan lagi sakit, tecias peci udim Yung Pantit sambil belari balik ke rumahnye.
“Ngape kaba Yung?” kate Pak Beluk, pageghan.
“Aku tadi diajung paman Merin, amen ndak telunjuk besak masukan ke lubang kumbang. Jadi aku cubokah nian, mbesak nian. Anye sakit lah kah mati tini,” kate Yung dedembagh nangis.