PAK Beluk kini punye hobi baru. Kalu sebelumnye die ni hobi mancing, sampai dide keruan waktu agi. Kini, Bapang Yung Pantit ini dang hobi ngingun Ayam Bangkok.
Hobi ngingun Ayam Bangkok ini, membuat peghasean Yung Pantit janggal. Pasalnye, dari 10 ayam 7 ikuk di antarenye lanang.
"Lah hobi main judi adu ayam pule kamu kini bak," tanye Yung Pantit di suatu petang.
"Adak dide benagh, Yung. Bangse aku ngingun ayam ni untuk aku biakkah. Siape tahu pacak jadi bisnis," jelas Pak Beluk.
"Yak. Jeme tu amu ngingun batan dibiakka tu banyak lah ye bai. Ini banyaklah ye Lanang," Yung Pantit masih curiga.
"Ayam kite ini rate-rate beli nga kawan ye hobi sabung ayam Yung. Makenye banyak tebeli ye lanang," Pak Beluk masih mencoba menjelaskan.
Mak Beluk ye kebetulan lewat di antare Pak Beluk nga Yung Pantit lalu menimpali, "Itulah kateku Bapang Yung. Mpuk murah jadilah kudai beli ayam lanang tu. Kan curigai nga anak lah mulai belajar bejudi ayam kamu ni".
"Guk nian pule awa, kele anak aku ye main nian. Untung aku ini tadi kena bela bini, kalau nide pasti Yung dide percaye nian," Kate Pak Beluk dalam hati.