JAMET, ponakan Pak Beluk ye lah 13 tahun merantau balik ke dusun. Karne lah bebunting, die diajak rapat panitia resepsi pernikahan ngah rombongan bapak-bapak.
Secara kebetulan, Pak Beluk ye merupakan Sekdes ye mimpin rapat ini Pak Beluk.
"Untuk bagian nanak nasi. Lukmane kalu ye bertugas itu Joko, Kentung, Paijo nga Jamet," tanye Pak Beluk nga peserta rapat.
Jamet tibe-tibe angkat tangan, "Amu kah pacak aku di bagian ye lain saje, Mang".
"Oke. Berati Jamet kite letak di bagian perlengkapan saje," kate Pak Beluk.
Jamet lalu angkat tangan agi, "Kalu pacak di bagian lain saje, Mang".
Hal ini terjadi hingga 5 kali. Jamet selalu tunjuk tangan minta ditempatkan di bagian tugas ye lain. Pak Beluk lalu ngicik, "Ndak di bagian ape kaba, Met".
"Amu kah pacak di bagian sapu jagat atau tukang parkir saje, Mang," kate Jamet.
"Bagian sapu jagat ini biasenye bebujang. Ude kaba tukang parkir saje," kate Pak Beluk.
Saat rapat panitia, Pak Beluk ye balik bejalan kaki nga Jamet lalu betanye, "Ngape kaba maju Ndak ganti tugas tadi, Met. Ukane karne li dide galak terganggu waktu kaba ndak mancing".
"Adak dide benagh, Mang. Sangkan aku maju minta ganti tugas tadi. Karne aku dide keruan ape die tugas bagian itu. Luk jambar uang tu tape die titu. Terti nga aku tugas sapu jagat atau tukang parkir tulah," jelas Jamet.
"Adak. Awak lah berumur 30 tahun nga lah bebunting. Mase dide keruan kaba pembagian tugas amu jeme kaguk'an," ujar Pak Beluk menanggapi.
"Yak Mang. Aku ni lah 13 tahun di rantau. Amu ade kance ye nikah gi datang jadi undangan tulah. Dide pernah aku jadi panitia luk kini," kate Jamet.
"Nah. Amu Luk itu tepakse mangkal agi kaba belajar ilmu bermasyarakat amu lah balik dusun ni," pungkas Pak Beluk.