MAK Beluk bingung nga lakinye. Setiap bebuke puase, hal pertame dilakukan adalah ngudut. Begitupun saat sahur, hal terakhir ye dilakukan sebelum adzan Subuh juge ngudut. Ini membuat ndung Yung Pantit mulai risih.
"Oii bapang Yung. Cube minum kudai antakkah ngudut tu. Ini beduk Magrib berbunyi langsung ngidupkah rokok kamu," kate bini Pak Beluk.
"Nah ngape pule kamu risuk nginak careku ni ndung Yung," tanye Pak Beluk.
"Risih aku nginaknye. Jeme tu minum kudai, mpai ngudut. Mangke cube ganti kudai bebuke nga rokok tu dengan bebuke nga kurma luk Sunnah Nabi," uji ndung Yung Pantit.
"Lah aku cube titu. Anye ndik bedie hasilnye, zong," jelas Pak Beluk santai.
"Ndik bedie haslnye lukmane," ndung Yung bingung.
"Au ndik bedie hasilnye mpuk lah cube aku silap," jelas Pak Beluk.
"Lah candu nian kamu nga rokok. Kapuh kurme dijujul dijadikah rokok," omel ndung Yung.