SAAT dang tebadai udem bebuke puase. Yung Pantit nginak kawannya, Bedu ye bejalan dedangkak. Nginak gayanye, die kah sembayang teraweh ke masjid.
"Oii Bedu. Ndak kemane kaba tu" tanye Yung Pantit.
Bedu berhenti bejalan, "Ndak ke masjid lah. Sembayang teraweh mangke dapat pahale".
"Udelah kaba cak macak. Ngicik saje kaba tu ndak maling selop di masjid Luk selame ini," ujar Yung Pantit.
Bedu emosi, "Amu punye mulut tu dijage awu, Yung. Amu bukan bulan puase lah ku ajak lage kaba tu".
"Maaf..maaf ce. Begurau saje aku tu. Dide ndak Diseriusi benagh," kate Yung Pantit.
"Mangke ngape selop kaba tu ditenteng. Ukane dipakai," kate Yung Pantit agi.
"Ini rencanenye ndak ditukar agi di masjid. Soalnye kekecilan," kate Benu.
"Nahh ketahuan kaba ni Benu. Rupenye masih galak maling atau nukari sendal jeme Luk selame nilah, katah modus kabah ini," kate Yung Pantit.
Benu ye sadar kedoknye ketahuan cuma bisa cecengih berayik.