BEBERAPA bulan mangga di badah Pak Beluk bekerje mulai masak dan umbanan. Pak Beluk ye setiap aghi berusaha bangun pagi ndak mucung mangga selalu gagal karne lah keduluan dengan kance-kancenye ye lain.
"Adak alangkah cepat kambangan ini begawih, mase tiap aghi keduluan saje ndak mucung mangga ni," kate Pak Beluk
Kance Pak Beluk ngatekah cepat juga datang mangke dapat mangga, ame lah tinggi juge lah keduluan dengan ye lain .
"Cepat juga mangkenye, luk mangke dapat ame luk kaba ye lah siang ni dide kah dapat," kate kance Pak Beluk.
Dide lame Pak Beluk ngeluh dde dapat mangga.
"Dreesa kricik cebak" mangga umban hampir saje umban ngenei Pak Beluk ye kesal dide dapat mangga.
Mangga ye hampir ninggang Pak Beluk jadi tawean kancenye.
"Nah luk rejeki kaba nian ini," kate kancenye ye dide dapat nahan tawe.
Nimbali kancenye ye nawekah hampir tinggang mangga. Pak Beluk bekate ame ini ngecul mangga ni.*