PAK BELUK lagi merenung mikirka beli kursi santai setelah nginak di handphone banyak jeme mempromosikan kursi santai. Pak Beluk pun minta saran njak kancenye tentang beli kursi busa ape ye dde bebusa nginai pertimbangan rege.
"Ce menurut kaba lemak tu kursi bebusa ape dde bebusa ame Ndak beli kursi santai, la nyagu duduk diambal saje ni," kate Pak Beluk minta saran.
Kance Pak Beluk nyarankan beli kursi ye bebusa saje, karne dide kerje due kali, kah beli kursi dengan busanye pule.
"Ame jiku lemakla kaba beli kursi busa Luk, selain lemak nduduk inye dide pule ndak beli bisa atau kain agi," Kate kancenye.
Pak Beluk pegi ke toko kursi ndalak kursi ye bebusa saran kance Pak Beluk. Sampai di toko kursi pak Beluk bingung Karne kursinye banyak dengan alap - alap.
"Adak-adak alangkah banyaknye kursi ni oi, mancean aku tadi gi dikit, mane pelayanan alap gale, sulit kah dipilih ini," Kate pak Beluk keheranan sehingga menjadi jeme ye berkunjung ke tokoh kursi.
Dide lame datangla pelayan toko tawarkan kursi kepada Pak Beluk dengan banyak tawaran promosi dan rege murah.
"Aku mbli ini saje rege murah banyak pule promosi," Kate Pak Beluk sambil nunjuk kursi kayu dide bebusa.
Sesampai di ghumah Pak Beluk dide sabar ndak cube kursi kayu ye mpai dibelinye. Cube nidukinye dan dudukinye.
"Nduk ai ce ngape pegal gale badan ni udim duduk dikursi ni. Itulah gegara milih harga murah ngak banyak diskon tadi tini, korban rege aku ini," kate Pak Beluk dalam ati.*