Udim makan petang, Pak Beluk duduk di berande ghumah.
Lum 10 menit duduk, Merin sampai.
“Ape kulaghan Bapang Yung?” tenye Merin.
“Nide, santai, empai udim makan,” timbal Pak Beluk.
“Yak mantap juge gulai nampaknye,” kate Merin.
“Au, gulai napuh tegayut,” jawab Pak Beluk.
“Yak lukmane cerite make dapat napuh tergayut?” Merin penasaran.
“Yak itulah, amun rezeki,” jawab Pak Beluk santai.
“Aman ndak makan, pegilah ke dapugh, masih banyak gulai tadi,” Pak Beluk nawari Merin.
“Nah amun gulai napuh, endak makan aku,” jawab Merin.
Singkat cerite, Merin langsung ke dapur ndak makan.
Pas dibukak tudung gulai, dikinak Merin gulai nangke.
“Yak lah kene tipu aku dengan Bapang Yung ni,” dalam ati Merin.
Keluar Merin jak dapugh.
“Luk ape masih ade gulai napuh tegayut tadi?” tanye Pak Beluk sambil tetawe.