Pak Beluk ye mpai balik dengan kawanye melalui jalan ye biasanya dilalui. Seaghian kerje melitakan nian, ape agi kini sedang dunie panas. Selain panas disebabkan matahari, angat ini juge isu perang dunie.
Pak Beluk dengan kancenye becerite tentang perang Israel dan AS melawan Iran. Ye die ketahui njak nonton YouTube.
"Adak ce ngunian menurut kaba perang Israel dan AS melawan Iran itu," kate Pak Beluk dengan Gembul.
Dengan muke serius Gembul "Aku ni ragu juge ce, ape raban tu memain perang. Anye aku kini ketakutan urusan perang ini, sebab bensin tahun muke bakal naik”,
Pak Beluk ye juge lagi serius nganingkah Gembul becerite. Saking dide seriusnye nganing, dide peduli motor raban tu lah mbibar di jalan. Semingge dikejutkah bunyi klakson fuso. Karene tekejut due sekantin tu tepekik “Rudal Irak”.
Nganing pekikan itu banyak jeme berhenti langsung belaghian besimbun. Pak Beluk bingung, sebab ngape jeme belaghian besimbun. Mantaulah jeme sughang “Oiii kabah ade reudal Irak nyasar ke sini, beindaplah. Kalu kabah kene percikannye kele”.
Gembul mpai nyadar, bahwe jeme besimbun itu akibat kicik die tekejut tadi. Dambil luk adak die njawab “Rudak tu kami ngecak remotnye ce, aman saje. Keluaghlah kabah gegalenye”.*