Pak Beluk dengan kancenye ndak pegi ke badah wisata baru, ye mpai diresmikah. Karena badah ni lagi tadi tenar di media sosial.
Pak Beluk ngajak kancenye malam ni pegi ke badah wisata baru tu.
"Ce malam ni kite pegi ke badah wisata baru ye mpai diresmikah ni, nginak di media sosial ni alap," ajak Pak Beluk.
Kance Pak Beluk juge setuju dengan usulan pak Beluk ndak pegi ke badah wisata tu.
"Ai setuju nian aku, sesiaplah malam dikit kite pegi takut dide kebagian badah pakir," kate kance Pak Beluk.
Pak Beluk dengan kancenye berkeliling di badah wisata baru tu. Dide lame kance pak Beluk ngatekah dengan pak Beluk ndak pegi ke kamar mandi.
Karne bosan nunggu kancenye, Pak Beluk jejalan sughang. Pak Beluk nyapa sambil ngawaikah tangan jeme di seberang mirip pakaian kancenye.
"Dide nian kance ni, dide nimbali agi dipanggil. Kate tadi ndak kamar mandi," gumam Pak Beluk sambil menghampiri.
Pak Beluk melambaikan tangan jeme tu ikut melambaikan tangan. Dide lame kance Pak Beluk njak belakang nepuk.
"Ndak ke mane luk?" Kate kance Pak Beluk.
Pak Beluk ye meghase salah panggil akhirnye ngajak kance cepat pegi.
"Melah ce aku tadi salah tegur jeme. Mancan ku tadi kaba mirip bajunye," kate Pak Beluk ye lah maluan.