Jamda

PAK BELUK udim makan duduk di berande depan ghumah.

Lum sepuluh menit duduk, Merin sampai.

“Ape kulaghan Bapang Yung?” tanye Merin.

“Nide, duduk sambil ngupi,” jawab pak Beluk.

“Kabah jak mene pule?” tanye balik Pak Beluk.

“Nide... Jak rumah, aku ke sini tadi banyak tegalau jeme ke arah pantai wisata, ade acara apelah,” kate Merin.

“Itu jeme acara Jamda,” jawab Pak Beluk.

“Yak lemak kite beghusik situ, kalu banyak jande-jande situ,” kate Merin.

“Yak mane pule ada, itu acara anak sekol,” timbal Pak Beluk.

“Yak memang ape kepanjangan Jamda itu, Janda Muda kan?” uji Merin cecak terti.

“Enduk kalau endik keruan nanye, Jamda itu Jambore Daerah,” jawab Pak beluk.

“Lebih ringkasnye kegiatan pramuka,” Pak Beluk lah tekikik tetawe.*