Kemaghi Merin dapat kabar kalu Pak Beluk kance lamenye dapat musibah kecelakaan.
Singkat cerite, pas lah sampai di ghumahnye, Merin langsung terkejut nginak muke Pak Beluk.
Sebab, muke Pak Beluk ni lah mbengkak gale. Karne penasaran, kenan langsung bertanye.
"Kudai ce, kaba ni udim tebanting bemotor ape udim digebuki jeme. Ngape cuman muke kaba nila ye mbengkak gale. Biasenye jeme amun tebanting pasti luke gale, ade kaba ni kening ye mincul, kalu luk petus kaba tadi berjalan," Merin panjang libagh betanye.
"Awu ce, aku tadi numbur Polisi tiduk. Anye lambat aku tadi bejalan ce," timbal Pak Beluk.
"Mangke ngape pacak muke kaba ye mincul gale ni," Merin masih bingung.
"Itulah, pas aku tumbur tadi bangun Polisi tiduk tu, udim itu langsung kene tinju aku," Pak Beluk njelaskah.
"Yak amun itu Polisi nian ce, bukan die Polisi tiduk, tapi polisi ye sedang tiduk. Lah berat pule nian kaba ni, bukan polisi saje ye marah amun sedang tiduk ditumbur. Aku saje masih kah ku lantak ngan terajang amun sedang tiduk ditumbur. Hahahaha berat nian pule bai," Merin tetawe ngakak setu keruan ceritenye.
"Ui luk itu ce, aku sangke nyelah itulah Polisi tiduk kate jeme tu," uji Pak Beluk sambil nyengir-nyengir.