Pak Beluk cak cak jago, pantang ketemu urang baru masang muke serem. Kalu ngicik pasti gunekan suare besak, lemak urang nginak agak kengerian.
"Siape name kawan mu ni," kate Pak Beluk sambil nunjuk kawan Merin dengan suare ngebas.
"Jeme awak nilah, ngape kie suare ini," jawab Merin.
"De kie cinung kawan mu ini, dengan urang maling sawit ku itu," tetakut Pak Beluk.
"Ai dide keruan aku pak, aku empai sehari ini ke sini," jawab kawan Merin.
"Kalu, lehelaw saje ulah di sini awu," manat Pak Beluk dengan suare besaknye sambil bejalan nyungak.
"Siape kie ce, sanger pule," tanye kawan Merin.
"Pak Beluk lah namenye itu, jeme besak kerumpang," jawab Merin
"Ku inak serem benur," jawab kawan Merin.
"Ae men diluar, cube men di rumah uluk hayam gulai ngeluyum," jawab Merin.
Singkat ceritenye, pegilah Merin dengan kawannye ke rumah Pak Beluk. Kawannye endak mastikan ape kate Merin. Ade sekitar 50 meter endai lamannye, Pak Beluk sedang ampai-ampaian baju.
"Inak kudai nah, itulah ulahannye men di rumah nyesah men de nyapu, bibainye main tik tok di kursi itu nah," kate Merin sambil nunjuk ke arah rumah Pak Beluk.
"Ai besak kerumpang nihan," jawab Kawan Merin.*