Musim nak Pemilu, Pak Beluk ngan Merin jadi tim sukses.
Kebetulan yang nak nyalon kance masih sekol empaini.
Kance ni nak calon anggota DPRD Provinsi.
"Kemaghi aku ditelpon kance kite sekul dulu, ndak betemu. Kekire ape lukaknye?" kate Merin ngicik ngan Pak Beluk.
"Yak aman kekire Ade lukak malah kite ghusek’i," saut Pak Beluk.
"Aku belanju nyari kamu bedueni, penting mintak tulung," kate kance Merin.
"Yak jeme kami tulung, ape agi kance lame," sintung Pak Beluk.
"Aku yakin kamu bedueni, pasti jadi panutan warga," kance Merin lah muji Pak Beluk.
"Aku ndak calon DPRD, kamu bedue jadi tim sukses ku," kate kance Merin, langsung to the point.
"O...Aman itu, kami siap bantu kabah," kate Merin, semangat kata.
Seminggu jak pertemuan, Pak Beluk ngan Merin diundang ke kota untuk pertemuan.
Singkat cerite, lah sampai di kota ughang due ni.
“Alengke banyak lampu jalan terang tegalau," dalam ati Pak Beluk.
"Kebilelah ade lampu terang luk ini di badah kite," kate Pak Beluk ngecik ngah Merin.
"Ini kota, kite masih dusun. Makenye galak nidekah ketemu ngan kite ye luk ini," jawab Merin.