Duit Belanje

Pak Beluk udim makan petang nyantai duduk di berande.

Lum lime menit duduk, Merin sampai.

“Jak mane kabah?” tanye Pak Beluk.

“Nide jak rumah, kesal dengan adingan kamu,” jawab Merin.

“Yak lukmane pule itu?” Pak Beluk penasaran.

“Itu gara-gara duit belanje kurang, awak die yang ngecakah, die yang belanjekannye, ngape aku yang salah,” uji Merin.

“Yak kalu dikit, make kurang itu,” jawab pak Beluk.

“Nide, malah lebih banyak jak bulan kemaghi,” jawab Merin.

“Nah pacak luk itu?” tanye Pak Beluk.

“Au gara-gara die COD beli skincare,” jawab Merin.

“Au nian, betine tu endik kan endak salah aman ijean duit, udim diamlah saje kan kalah kite tulah,” Pak Beluk jejemut sambil tetawe.*