Lum lame ink Yung Pantit anak sematawayang Pak Beluk dapat ulangan Bahasa Inggris di sekulnye.
Anye waktu segale murid di kelas sibuk ngerjeka soal ulangan, Yung sughang ye maju mbegu.
Karne penasaran, guru langsung ndamping guk meja Yung.
"Ngape kaba mbegu saje ni Yung, kerje kelah ulangan tu," kate bu guru.
"Maaf buk, aku dide pacak njawab ulangan ni, sebab aku percaye kejujuran lebih penting daripada nilai," kate Yung luk padrk nian.
"Hui Yung, kite ni sedang ulangan Bahasa Inggris, bukan ujian moral," guru langsung marah.
"Ui karne itulah, aku sedang mempraktikkan nilai kejujuran secara nyata," jawab Yung agi.
"Amun dide pacak kicikka saje Yung, jangan banyak gaya ige. Ude la pasti dapat nol agi kaba," uji guru.
"Ai dide kah ngape buk, karne kejujuran ndik pacak dinilai dengan angka," jawab Yung santai sambil senyum.
"Udimlah Yung, sape pule nunjuki kaba ni, awak buyan begaya kabah. Pagi kaba ajung ndung ngan bapang kaba ke sekul ni," kate guru rengam.