Lum 10 menit duduk, Merin datang.
“Ape kulahan Bapang Yung,” tanye Merin.
“Nide, nyantai sambil ngupi,” jawab Pak Beluk.
“Tumben, kabah beghusik dengan aku, biasenye sibuk terus,” tanye Pak Beluk.
Maklum due sekawani selisih pemahaman beda pilihan.
“Nide Bapang Yung, ngape pule kite nak beribut, jeme calonye kite selisih,” jawab Merin.
“Au nian, empuk siape presiden masihkan luk inilah kite,” jawab Pak Beluk.
Singkat cerite, lah seakuran agi due sekawani, empuk pilihan bebeda.
“Luk ape cerite jeme begaji Rp 1,2 juta sehari penyelenggara Pemilu itu,” Pak Beluk nanye Merin.
“O…yang sedang heboh kini, itu penyelenggara Pemilu namenye KPPS,” jawab Merin.
“Yak lemak jadi petugas itu, kalau gaji Rp 1,2 juta sehari,” jawab Pak Beluk.
“Au gaji seluk itu, tapi begawinye sehari pule, nide be bulan,” timbal Merin.
“O……Aku sangek lime bulan apa setahun,” jawab Pak Beluk.
“Tumben kabah jujur benagh, nide nak menang,” Merin sambil kisit.