ABIS makan petang Pak Beluk duduk di brande depan ghumah.
Sambil nikmati sigarit dan kupi angat Pak Beluk nyantai.
Lum sepuluh menit duduk Merin sampai.
"Tape kulah bapang Yung," tanye Merin.
"Nide, santai sambil ngupi," jawab Pak Beluk.
"Kabah Jak Mane," tanye Pak Beluk.
"Jak nonton bola turnamen antara desa," Kate Merin.
"Nide nian. Pemain dengan penonton semegi saje. Luk preman gale, nak belage saje," Kate Merin.
"Jeme itu aman nak jadi premen ke kota besak, jangan di dusun," sambung Merin.
"Nah luk Bapang Yung dulu, mereman nian tapi badah jeme," maju bekutuk Merin.
"Udimlah, kabah nak munjulan aku itu," Pak Beluk nimbal.
"Nide, dulu cak dengan aku kabah di warung ngabik saje rukuk," Kate Merin.
"Mane ilmu itu dulu Bapang Yung," tanye Merin.
"Nide iluk, udimlah endikah berkah dan nidekah kaye," jawab Pak Beluk.
"Enduk lah sadar nian kabah bapang Yung, tapi masih kanjikan," Merin sambil tertawa.