PETANG kemaghi Lihin kawan Pak Beluk datang ke rumah Pak Beluk sambil bemuke masam.
Setu sampai ghumah Pak Beluk, kenan langsung marah-marah dan mintak kawani ngan Pak Beluk ndak ngadu ke Polisi.
Karena nginak Lihin sedang emosi nian, Pak Beluk langsung nenangkan dan betanye tape masalah sangkan die ndak melaporkan jeme ke polisi.
"Kudai ce, tape sebabnye sangakan kaba ndak melaporkan jeme ni," Pak Beluk betanye.
"Aku ni kene tipu ngan tetange tulah," uji Lihin.
"Kene tipu luk ape, cube jelaskah kudai iluk-iluk," kate Pak Beluk.
"Dua bulan lalu aku gadaikan motor dengan tetangga di dusun kami tulah. Waktu itu, aku gadaikan motor tu 500 ribu, dan sesuai janji baliknye kele masih 500 ribu tulah," timbal Lihin njelaskah.
"Mangke ngape sangkan kaba ngangat dan ndak melapor ke Polisi ini,"
"Aku tu merase kene tipu nian. Sebab, tetangge aku tu mintak balika setengah juta. Kan dide masuk akal agi gawih tu. Mase awak janji 500 ribu mangke mintak setengah juta," Lihin maju bejijih njelaskah.
"Yak luk ape kaba ni Lihin. Kalu dide beres agi kaba ni. Amun luk ini pecaknye kaba ni ye di laporkah jeme ke Polisi kele," Pak Beluk rengam pas ndengar cerite Lihin.
"Nah ngape pacak luk itu," Lihin ye laju bingung.
"Ui bajang, basekah setengah juta tu same dengan 500 ribu. Ngape kaba ni tambah bigal saje. Ude baliklah kaba ni, tebusi lah motor tu. Adak tu kaba ni kele ku gadaikah," Pak Beluk tambah ngangat.
"Ui luk ce, ude amun luk aku kah balik," kate Lihin sambil langsung berjalan balik.