Setelah beghape aghi Pak Beluk di kota, tepatnye di ghuma kantinnye kini die mulai cakagh kerje untuk nambah pengalaman dan coba keberuntungan di kota besar. Pak Beluk ye belum keruan tape-tape di kota mangke die mintak tolong dengan kantinnye badah die tumpak untuk cakaghkah badah kerje.
Pak Beluk mengatakan dengan kancenye, “Ce lukmane kate ku kemaghi ade lukak kerje ye cepat juge dide membutuhkan skill ngah ijazah”.
" Ade lukak kerje kate ku kemagi, kerje kuli bangunan jadilah ce" uji Pak Beluk.
Kancenye menjawab, “Ade Pak Beluk, anye ame ndak gaji ye besak agak jauh njak sini. Ade jeme mbangun gedung untuk hotel anye itulah agak jauh.”
"Ade nian lah udim ku tanyeka ngak kenalan ku, anye itulah ndak gaji besak agak jauh badah kerjenye," kate kance Pak Beluk.
Pak Beluk ye lum kruan seluk beluk kota kini mulai ragu ndak ngambek kerje ye ditawarkan kancenye. Karene die ye lah pernah tersesat di kota.
Pak Beluk ngatekah dengan kancenye, “Adak ce kaba keruan aku lah pernah sesat di kota ni mase kaba. Cakagh kerje dekat nila ce.”
"Ye damping nila ce jangan pule jauh ige kele sesat," ujar pak Beluk.
Kance Pak Beluk kini nanyekah dengan kance ye lewat telpon.
"Ado lukak ye dekat ghuma ni badah kerje kuli," kate kance Pak Beluk.
"Ade. Nyuci pakaian sekalian beberes rumah," jawabnye.