Belum lame ini, Pak Beluk dengan Merin ngehayal jadi jeme kaye. Matik motor besak, mobil alap, rumah besak, bibai halap.
"Luk manelah rasenye jadi jeme kaye itu adak ce," tanye Pak Beluk.
"Lemak pule, pacak beli motor besak, beli mobil alap, rumah besak, tepatik bibai halap," jawab Merin.
"Ai alangke lemaknye adak, apelah pikiran jeme kaye tu. Masih same dengan kite ini dide," tanye Pak Beluk.
"Entah, aku belum merasekannye ce. Cuma amen aku jadi jeme kaye, alangke banyak bibai ku kele ce," gurau Merin.
"Hahaha, aku kalu jadi jeme kaye rumah dide pule endak besak ige, mobil sport sikuk, motor besak sikuk sisanye beli tanah dan beli kebun," kate Pak Beluk.
"Kalu aku dide ce, aku endak investasi ke bitcoin, udim tu beli mobil tronton udim tu bangun rumah besak, kalu pacak bibai 3 kele," jawab Merin.
"Aku bibai cukup sikuk, sisanye beli saje," kate Pak Beluk sampe ketawe.
"Ame kite kaye kele, Merin endak mu jadikan ape ce, kalu aku endak ku jadikan anak buah ku tukang sapu rumah, ngelap setum," kate Merin.
"Same juge aku ce, Ujang Kricup bakal jadi anak buah pukuknye, gajinye kele sebulan 10 juta. Jadi ape kate kite harus dituruti," balas Pak Beluk.
Sedang asik berkhayal, Ujang Kricup sampai, obrolan tian bedue ini tapi kehaningan Ujang Kricup.
"Aku kalu kaye kele, kuti tukang basuh misingku," pungkas Ujang.