Pak Beluk beli minyak dengan Merin 1 liter. Harga normal minyak eceran di warung 13 ribu. Tapi di warung Merin harga minyak 15 ribu.
"Nah ce," kate Pak Beluk udim ngisi minyak.
"Kurang 2 ribu agi ce," jawab Merin.
"Berape harge minyak 1 liter ni," tanye Pak Beluk agak tekejut.
"Naik kini 15 ribu," balas Merin.
"Iyaaak, ngutang kudai 2 ribu tu, kele dibayar," jawab Pak Beluk dengan muke mengut.
Karena penasaran dengan kalimat Merin harga minyak naik. Pak Beluk singgah ke warung eceran Ujang Kericup hane endak nanye harga minyak seliter.
"Uiii ce, berape minyak seliter?" tanye Pak Beluk di pucuk motor.
"Masih luk selame nilah 13 ribu, ngape endak minyak?" kate Ujang Kericup.
"Masih ade minyak mutur ku, dide naik minyak ni?" tanye Pak Beluk agi.
"De ce," balas Ujang Kericup.
Sangking kesalnye dengan Merin, Pak Beluk belipat ke warung Merin agi. Sesampainya di warung Merin, Pak Beluk langsung bekutuk sambil nyumpahkan Merin.
"Nyantuk nian nyakar untung besak kaba ini, harga minyak masih normal. Di warung Ujang Kericup masih 13 hargenye di warung kaba ini lah 15 ribu," kate Pak Beluk.
"Ye ngengape kaba ini, satu sampai bebekutuk ini, pacaklah aku, aku punye warung. Endak aku naikan 50 ribu pacak aku," balas Merin.
"Didekah ku bayari 2 ribu agi itu," jawab Pak Beluk.