Pak Beluk udim makan petang duduk di Brande sambil minum kupi.
Luk sepuluh menit duduk, Merin sampai.
“Yak ape kulaghan Bapang Yung?” tanye Merin.
“Nampaknye mantap nian gulai petangni,” sambung Merin.
“Nide aman mantap nian, tapi jadilah,” jawab Pak Beluk.
“Yak gulai apa titu?” tanye Merin penasaran.
“Daging Nagkadak,” jawab Pak Beluk.
“Aman kabah nak makan, masih banyak gulai tadi,” Pak Beluk nawari Merin.
“Yak ape pule Nagkadak ni,” dalam ati Merin.
“Dapat di mane pule kabah Nagkadak itu?” tanye Merin.
“Tadi aku ke kebun, pas balik enjuk jeme,” jawab Pak Beluk.
“Nak ngecap kudai gulai daging Nagkadak aman luk itu,” kate Merin.
“Masuklah ke dalam makanlah,” kate Pak Beluk.
Ke dapur langsung ngambik nasi Merin, bukak tudung tekinak gulai nangke.
“Nduk lah kene tipu aku dengan Bapang Yung ini,” dalam ati Merin.