"Nah padek itu Pak Beluk, tanci mpuak keciak," timbal Merin.
"Au Merin, mpuak keciak, dalam sehari dapat 2.000 kancing banyaknye dibada kerjeni. Amen itung-itung dapatlah Rp 2 juta seaghi," uji Pak Beluk.
"Cacam ngalahkah hasil panen aku kabani Pak Beluk. Amen kali sebulan pacak Rp 60 juta," timbal Merin.
"Biaselah Merin, bisnis ambik borongan pakaian persiapan anak-anak masuk sekolah, jerang agi pacak beli stum alap amen dapat proyek besak," timbal Pak Beluk ngota besak.
“Kalau mbak itu kabah kudai mbelikah aku rukuk surya,” sampai Merin.
Nganing kicik Merin Pak Beluk agak tekejut. Tapi demi njage genci kenan langsung betegak “Kudai aku beli kudai kalau mbak itu”.
Lah setengah jam Pak Beluk pegi belum balik ke ghumah Merin. Karene penasaran Merin nelpon Pak Beluk. Anye nomor telpon kenan dide aktif agi, Merin lah nebak Pak Beluk maluan balik karene bebesakan.
“Udimlah Pak Beluk, salah ngota kabah malam ini,” mumut Merin.*