Mak Beluk anjam nian karne masakannye ndik pernah gagal kalu nginak tutorial YouTube.
Lum lame ni Mak Beluk sedang ngidam gulaian pepes tahu. Berhubung kenan hobi memasak, jadi nginaklah kenan tutorial YouTube.
"Ayy alangkah nikmat makan, kalu buatan pepes tahu ni lemak," kicik Mak Beluk.
Singkat cerite berhubung Mak Beluk ngidam, ngiciklah dengan Pak Beluk.
"Bapang Yung, aku ni ndak buat pepes tahu, luk mane galak makannye ndik," tanye Mak Beluk.
"Pepes tahu luk mane itu, luk mane bentuknye?" jawab Pak Beluk.
"Kalu kamu galak makannye melah tulungi aku buat, kamu nginak YouTube aku nyiapkan bumbu," timbal Mak Beluk agi.
"Amen luk itu melahh galak aku, asak lemak makanan tu," Pak Beluk ngicik.
Singkat cerite agi rombongan due buat masakannye. Lum lame datanglah Yung Pantit.
"Yak romantis nian kamu bedue ni, nak bemasak bedue nian," Yung tatawe kecik.
"Amen luk itu bemasak lah kuday kamu, nengkalah aku duduk santai," ragam Yung Pantit.