Pak Beluk udim lebaran haji, ngalami idapan.
Pak beluk kene iyak bintuk dan badan panas.
“Bapang Yung aman kate ku, berobatlah ke dokter,” kate Mak Beluk.
“Aman penyakit dibiarkan kalu nanggung ige,” sambung Mak Beluk.
“Yak ngape kabah ngicik luk itu,” tanye Pak Beluk.
“Ape aman aku matek, kabah nak ngaggau agi,” kate Pak Beluk.
“Ya Allah, aku nagajung berobat, karene aku sayang dengan kabah,” jawab Mak Beluk.
“Itulah kabah aman idapan, banyak nian pikiran nide-nide,” jawab Mak Beluk.
Singkat cerita pergilah berobat Pak Beluk dikawani Merin.
“Nah sampai kite, daftarlah kudai,” kate Merin.
“Aku tunggu di motor nilai au,” kate Merin.
Belum 10 menit, Pak Beluk ngajak balik.
“Alengke cepatnya berobat udim belum?” tanye Merin.
“Nide jadi, bigal dokternye itu nak tahu gale isi dapur jeme,” jawab pak Beluk sambil ngajak balik.
“Mase dokter nanye gule, aku jawab jangankan gule kupi ade,” kate Pak Beluk.