Pak Beluk dengan Merin dapat borongan mupuk sawit.
“Merin ade lukak mantap,” kate Pak Beluk.
“Lukak ape titu?” tanye Merin.
“Ade kance aku nak borongkan mupuk kebun sawitnye,” kate Pak Beluk.
“Make cepat kite ngajak kawan agi, cak due orang,” kate Pak Beluk.
“Tapi jeme due ini kite gaji aghikah saje,” tambah Pak Beluk.
“Nah kalau beempat pacak sehari tuntas itu,” jelas Pak Beluk.
“Kudai duit borongan behape duit,” tanye Merin.
“Sejuta, kebun itu tige hektaran, beempat kelar sehari,” kate Pak Beluk.
“Serius sejuta nian, kele lebih,” kate Merin.
“Ya sejuta nian, lebih due ratus cuma,” kate Pak Beluk dalam ati.
Singkat cerite pegilah mupuk Merin dengan Pak Beluk dan due kancenye lainnya.
Pas mupuk lah petang, lah tedengar suare azan salat Asar, Pak Beluk belum ngajak balik.
“Lukmane istirahat kudai lah magrib dunieni, lah temakan anak bulan pule ini,” kate kawan Pak Beluk.
“Luk ini saje, karena pupukan kite tanggung lukmane kite udimkan, kele untuk gaji aku mintak lebihi dengan tuan sawit ini,” kate pak Beluk.